Dunia Rafi

Dolanan dek jaman semono

Posted in CelotehAyah&Mama by wiratara on Februari 11, 2009

 

dakon 

Ah, kadang sakalebat aku isih kelingan gek jaman aku cilik biyen. Jaman tahun 80-an, durung ono listrik nek kampungku, durung akeh tivi, durung akeh hiburan. Maklum, aku lair nang deso cilik rodo adoh soko gumebyare kutho. Tapi kahanan koyo jaman semono ora dadi kawelasan, mungkin amergo aku isih bocah dadi durung ngerti kahanan.

Keluargaku nek deso rodho lumayan keceluk, simbahku tuan tanah, wong paling sugih sak deso, bapakku yo rodho lumayan duwe (gek jaman semono). Sak kampung sing duwe tivi cuman bapak karo ono tonggoku siji maneh, tapi yen wengi tonggo-tonggo podho rame ngumpul nang omah. Biasane nonton kethoprak utowo acara ndangdutan. Tipi nang omahku nganggo aki, isih ireng putih durung warna. Aku anak lanang dhewe, duwe mbakyu lan adik wadon. Dadi gek jaman cilik aku sering dolanan bareng bocah-bocah wadon. Dolananku jaman semono:

Pasaran: Dolanan sebagian konco membo2 dadi wong dodolan nang pasar, nek aku biasane kebagian dadi sing blonjo. Dolanane biasane nek sebelah omahku. mbayare nganggo godhong belimbing, nek ora nganggo kertas sigarete bapak. Biasane sing dadi wong dodol rodho sibuk, nyiapke dagangan macem2, sing tuku nunggoni sampe sing dodol siap. Mungkin dolanan iki biyen diciptake kanggo ngajari bocah2 bab ilmu ekonomi, prinsip-prinsip dagang, bathi-rugi, lan sekabehane. Dolanan iki biasane 1-2 jam.

Jamuran: Dolanan iki biasane nek wengi gek kolo wulan purnomo. Bocah2 ngumpul terus nggawe bunderan kathi podho cekelan tangan. Nyanyine kethoke ngene : “Jamuran geng-geng…(lali)..”. Bar ngono oyak-oyakan.wah pokoke rame temenan.

Bethengan : Sebenere dolanan iki jenenge :bentengan. Soale ono hubungane karo benteng. Ono grup loro, tiap-tiap grup duwe cagak sing kudu dipertahanke supoyo ora didemok musuh. Nah, nek ono musuh nyedhak kudu dicekel, nek kecekel dadi tahanan. Supoyo biso ucul tahanane, kancane kudu ndemok tahanan mau. Grup sing iso ndemok cagak benteng musuhe banjur njerit “Beteng/Benteng!!!!” artine dheweke menang.

Dhakonan: Dolanan iki biasane nganggo dhakon soko plastik utowo kayu. Nek anak dhakone biasane jagung, krikil utowo anak dhakon soko plastik. Nek ora duwe dhakon biso nggawe kothak2 nang lemah utowo nang plester nganggo kapor. Dolanan iki dilakoni wong loro. Sing iso ngumpulke anak dhakon paling akeh menang.

Setinan/Gundu: Nek setinan biasane dolanane wong lanang. Aku biyen seneng ngumpulke gechuk, yoiku setin sing dinggo andelan yen maen karo musuh. biasane bentuke luwih cilik dadi enak di cekel. Biasane nek setinan podho tukaran barang, soale kadang ono sik ngakali.lucu kadang tukarang goro-gorone setin siji.

Karetan: Dolanan nganggo karet gelang, biasane aku tuku karet nang pasar. nek wong wedhok, karet dianyam dadi tali terus digawe lompatan. Nek wong lanang karet digawe lomba/taruhan. Iso lomba “jethetan” utowo “gembyokan” utowo kadang2 ono uncal karet nang kothak sing tiap2 kothake ono regane. Aku biyen jagone jethetan. Malah akhire nek ono aku podho ora gelem maen, soale podho wedi kalah.he..he..

Wayangan: Wayang/gambar crito biasane di dol lembaran, terus digunting2 perkotak. maine biso gedhe-gedhenan nomer (tumpukan) utowo maen koyo maen kartu remi. Dolanan iki aku juga sering menang, makane ora ono sing wani. Aku pernah duwe 800 kartu, tak simpen neng laci bipet ibu. Akhire tak dum-dum, soale podho ora duwe wayang, lan aku wis bosen.

Nah, iku sebagian dolananku gek jaman cilik biyen. Sori yen boso jowoku rodho salah-salah. Soale iki kaping pisan aku nulis blog nganggo boso jowo.

salam,

2 Tanggapan

Subscribe to comments with RSS.

  1. hari pranata said, on Februari 12, 2009 at 6:17 am

    nuwun sewu,

    menawi lare-lare sakpuniko mboten kenal dolanan makaten, PS ingkang di unggulaken.
    padahal kathah filsafatipun dolanan jaman mbiyen.
    inggih punika kemajuan jaman dan informasi, ugi kahanan jaman ingkang sampun maju saenggo lare-lare sakpuniko mboten mangertosi malih bilih wonten dolan ingkang adiluhung. monggo sami nguri-uri dolanan jaman kita taksih alit,

    salam, hari jaktim

  2. Maskur said, on Februari 9, 2010 at 10:53 pm

    wah aku dhewe lagi seneng nulis tentang dolanan trdisional

    tapi iki versi banyumas, merga aku lair neng Banyumas
    mangga menawi kerja tindak onteng nggen kula (menawi ngertos basa banyumasan)

    http://maskurmambangr.wordpress.com/2010/02/05/sundhamandha/
    http://maskurmambangr.wordpress.com/2010/02/07/cak-kadhal/


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: